కేరళలో విషాదం చోటు చేసుకుంది. ఒక్కగానొక్క కూతురు తన ప్రియుడితో వెళ్లిపోవడంతో తల్లిదండ్రులు ఆత్మహత్యకు పాల్పడిన సంఘటన కేరళలోని కొల్లాంలో చోటు చేసుకుంది. కొల్లాం పావుంబకు చెందిన ఉన్నికృష్ణ పిళ్లై(52), ఆయన భార్య బిందు(48) ఆత్మహత్యకు పాల్పడ్డారు. ఈ ఘటన శుక్రవారం రాత్రి చోటు చేసుకుంది. నిద్రమాత్రలు మింగి ఆత్మహత్యకు పాల్పడినట్లు తెలుస్తోంది.
ఎంతో అల్లారుముద్దుగా పెంచుకున్న కుమార్తె తమను కాదని ప్రియుడితో కలిసి ఇంటి నుంచి పారిపోవడాన్ని ఆ దంపతులు తట్టుకోలేకపోయారు. నచ్చజెప్పినా ఆమె వినకపోవడంతో చివరికి ఆత్మహత్యకు పాల్పడ్డారు. కాలేజీ వెళ్లే తమ కూతురు ప్రేమించిన యువకుడితో కలిసి ఇంటి నుంచి వెళ్లిపోవడంతో ఉన్నికృష్ణ పిళ్లై, బిందు దంపతులు తీవ్ర మానసిక క్షోభకు గురయ్యారు. ఈ క్రమంలో శనివారం రాత్రి మోతాదుకు మించి మాత్రలు తీసుకొని ఆత్మహత్యకు పాల్పడినట్లు పోలీసులు వెల్లడించారు. బిందు శనివారం ( ఫిబ్రవరి 17) రాత్రి మృతి చెందగా.. ఉన్నికృష్ణ పిళ్లై ఆదివారం( ఫిబ్రవరి 18) ఉదయం ప్రాణాలు కోల్పోయినట్లు తెలిపారు.
బంధువులు చెబుతున్న దాని ప్రకారం.. కాలేజీలో చదువుతున్న ఆత్మహత్య చేసుకున్న దంపతుల కుమార్తె కాలేజీలో చదువుతూ ఓ వ్యక్తిని ప్రేమించింది. ఈ విషయం తెలిసిన తల్లి దండ్రులు కుమార్తెను మందలించారు. లవ్ ఎఫైర్ మానుకోమని పదే పదే చెప్పినా వినిపించుకోలేదు. దీంతో మనస్థాపం చెందిన తల్లి దండ్రులు దంపతులు అవమానంతో ఆత్మహత్య చేసుకున్నారు . బెడ్రూంలో దొరికిన సూసైడ్ నోట్ లో తమ కూతురుకు మా శవాలను చూపించొద్దని లేఖలో పేర్కొన్నారు.
